Opunso om Opupus boros do Dusun

Tumanud di Krauss(1992) 3,000 mantad 6,000 boros sompomogunan opunso om opupus in suang do kolimpupuson do saratus toun diti rumikot. Koligaganan diti, iso koposarahan tu poinsuang no iti boros do dusun ii narait di Krauss(1992) id pinsingilaan do boros sompomogunan.

Boros di mobpupus iso kaantakan di poinsandad no laid mantad timpuun ii om modtilombus mibagal ii nokopogulu noilaan do nopupus ii boros do Hittite om Tochorian ii tinaru do Indo-European ii nopupus 3,500 toun di nakatalib. 80 piatus boros do mamamasok do Amerika mibagal do Comanche, Apache om Cherokee nopunso au nokito o rata. Irad nogi dilo boros do Cornish ii boros do tinaru do Celtic ii tulun mamasok do England ii nopupus di toun 1800.

Boros nopo do Dusun nga osima om ouli poinglobi ko mantad boros do suai mibagal do Inggilis, Cina, Malayu om suai po. Tumanud di Krauss (1992) boros ngawi diti opupus om opunso tu au mantad nakagarit om inggá do gontob monginsonong id suang do koubasanan om koposiposion do tinaru do dusun.

Kowoyo-woyoon do tinaru do Dusun mibagal do tulun di natagakan do “palan” om ingga do ponontudukan om woyoon ii kaanu popotunud do ralan rumikot di rikoton. Momudali do ralan kawawagu om mogihum do kakamot iso tudipon dii au aanu do momonsoi.

Poingkuro tokou manampasi do boros tokou? Insan tadau boros di osima om ouli diti atagak om au no milo do tomposion! Lobi po do aganggarou tu tinaru tokou nga opunso om opupus id soibau do pomogunan om osiliu tokou tinaru di aiso ningkokoton.

Sinuratan di: Damian Marcus Podtung